Verdiren Requiema

Requiem Meza sakratua Giuseppe Verdik 1874an konposatutako lana da, abesbatza, 4 bakarlari eta orkestrarako. Beraz, 150 urte bete dira sortu zenetik.

Requiem hitza latinetik dator. Erromatar liturgian, requiema (latinezko Requiem, “atsedena”), requiem meza ere deitua —(latinez, Missa pro defunctis edo Missa defunctorum—), hildakoen meza da, hildakoen arimen aldeko erregu bat, ehorzketaren aurretik edo oroitzapen edo omenaldi ekitaldietan egiten dena.

Bere izena introituaren lehen hitzetatik dator: «Requiem æternam dona eis, Domine, et lux perpetua luceat eis» («Eman iezaiezu betiko atsedena, Jauna, eta argi betikoa distira dezala haientzat»).

Beraz, ezin egokiagoa da Aste Santu inguruko datetan programatzea.

Mozart edo Faurérenekin batera, Verdiren Requiema errepertorio sinfoniko-koraleko hiru handienetako eta bikainenetako bat bezala kataloga daiteke. Batzuek Verdirena “ia opera bat” dela esatera ausartzen dira, bere orkestazio bikaina eta soinu izugarria dela eta, historian geratu diren edertasun musikal handiko pasarte ugarirekin.

Gure Verdiren “Messa da Requiem” lanak nazioarteko 4 bakarlari handi izango ditu: Karina Skrzeszewska soprano poloniarra, Maria Ermolaeva mezzo errusiarra, Angel Pazos tenor irundarra, eta Massimiliano Catellani baxu italiarra.

Luis Mariano Abesbatza hiriko hainbat abesbatzak babestuko dute, hala nola Ametsa Abesbatza, Náyade Abesbatza, IGA Abesbatza, Larreaundi Abesbatza, Bidasoaldekoak Abesbatza, eta Arantzazuko Ama Abesbatza, baita beste hainbat abeslari irundarrek ere. Guztiek 150 abeslariz osatutako masa korala osatuko dute.

Luis Mariano Orkestra eta guztiak Aldo Salvagno maisu italiarraren zuzendaritzapean arituko dira.

SARRERAK

Gure Bazkideek lehentasuna izango dute sarrerak erosteko. Beraz, Bazkideentzat soilik erosi ahal izango dira urtarrilaren 16tik aurrera www.irun.org/sarrerak webgunean eta Irungo Colon pasealekuko Turismo Bulegoan.

Publiko orokorrarentzat zein 25 urtetik beherakoentzat salmenta urtarrilaren 29an hasiko da.

Prezioak hauek dira: 25 euro Bazkideentzat, 32 euro Bazkide ez direnentzat, eta 10 euro 25 urtetik beherakoentzat.

AMAIA K.Z.-RAKO SARBIDEA

Zoritxarrez, azken aldian bazkide eta gazte sarrerak modu desegokian erosten ari direla ikusirik, 2024ko denboraldi honetan BAZKIDE TXARTELA eskatu beharko da Amaia K.Z.-ko sarreran.

Norbaitek ez badu txartelik edo galdu badu, jakinarazi iezaguzue eta berriz bidaliko dizuegu.

Barkatu neurri honek eragin ditzakeen eragozpenak.

GURE IKUSKIZUNEN ENTSEGUETARAKO SARBIDEA

Jakinarazten dizuegu Zuzendaritza Batzordeak publikoari gure ikuskizunen entseguetara sartzeko baimena ematea erabaki duela, hauek ikuskizun bakoitzaren aurreko astean egiten dira asteartetik ostiralera 20:00etan.

Horretarako, Amaia K.Z.-ra Erakusketa Aretoko sarreratik sartu ahal izango zarete eta soilik dagokion ikuskizunerako erositako sarrerak (edo abonua) erakustea eskatuko dizuegu.

Espero dugu ekimen hau, zuetako batzuek aurretik eskatua, zuen gustukoa izatea, opera edo kontzertu baten muntaiaren xehetasunak doan gozatu ahal izango baituzue.