sopranoa

Bere opera debuta laurogeita hamarreko hamarkadan izan zen Estatu Batuetan. 1993an, New Yorkeko Metropolitan Opera National Council Auditions eta Pariseko Concours International de Voix d’Opera Plácido Domingo lehiaketak irabazi ondoren, nazioarteko ibilbide distiratsua hasi zuen honako antzoki hauetan: Metropolitan Opera, Carnegie Hall, Covent Garden, Bayerische Staatsoper, Washington, Houston, Dallas, Seattle, San Francisco Opera, Milaneko Scala, Napoliko San Carlos, Arena di Verona, Mexikoko Bellas Artes Antzokia, Amsterdam, Deutsche Oper Berlin eta abar luze bat, La Traviata, La Bohème, Romeo et Juliette, Faust, La Rondine, Euguene Oneguin, Turandot, Manon Lescaut eta beste hainbat operatan paper nagusiak interpretatuz.

Opera emanaldiak errezitak eta kontzertuekin uztartzen ditu, maisu ospetsuenen zuzendaritzapean, hala nola Sir Neville Marriner, Christian Badea, Gianandrea Noseda, Christopher Hogwood, Vasily Petrenko, Pablo González, Adrian Leaper, Víctor Pablo Pérez, Friedrich Haider, Pier Giorgio Morandi, Gustavo Dudamel, Miguel Ángel Gómez Martínez, Günter Neuhold, Frédéric Chaslin… eta pianista errepertorista ospetsuekin, hala nola Marco Evangelisti, Rubén Fernández Aguirre, Roger Vignoles eta Malcolm Martineau, zeinarekin Deutsche Grammophon zigiluarentzat “Recital” grabatu zuen, frantses eta espainiar kantuen hautaketa bikaina. Bere kontzertu jarduera biziaren artean nabarmentzekoak dira Etxe Zuriko errezitaldia; Londresko Royal Opera Covent Garden-eko debuta eta Baalbeck-eko (Libano) kontzertua, biak Plácido Domingorekin batera, Mexikoko Bellas Artes Jauregiaren 70. urteurrenaren kontzertua Ramón Vargasekin batera. Bere arrakasta handien artean nabarmentzekoak dira Cyrano de Bergerac-en parte hartzea Plácido Domingorekin San Franciscoko Operan eta Teatro Realean; La Bohème Metropolitan-en eta Milaneko Scalan, Otello Coruñan, Turandot, Carmen eta La Bohème Lizeoan, Dialogues des Carmelites, Eugene Oneguin eta Simon Boccanegra ABAOn, baita “Le dernier jour d’un condamné” operaren estreinaldia Parisen Roberto Alagnarekin batera, Don Carlo Oviedoko Operan eta Don Giovanni Teatro Realean, besteak beste. Berriro arrakasta izan zuen San Franciscoko Operan Falstaff-eko Alice Ford gisa, Bryn Terfelekin batera, eta ondoren Verdiren Requiem-ean parte hartu zuen Suntory Hall eta Fukushiman Tokioko Orkestra Filarmonikoarekin Nicola Luisottiren zuzendaritzapean eta bere interpretazioak Manon Lescaut gisa Maestranza Antzokian, Adriana Lecouvreur ABAOn, Tosca Boloniako Teatro Comunale-n eta Reggio Emilian, La Wally Genevako Gran Theatre-n, La Bohème Mexikoko Bellas Artes-en eta Tosca Marcelo Álvarezekin batera Sao Paulon, eta horiei gehitu behar zaizkie bere arrakasta handiak Falstaff Covent Garden-en, Tosca Welsh National Opera-n Bryn Terfelekin batera, gala lirikoa Vienako Konzerthaus-en Wiener Kammer Orchester-ekin, Tosca Düsseldorfeko Deutsche Oper-en, Manon Lescaut ABAOn, Falstaff-eko Alice Ford Napoliko San Carlo Antzokian eta Coruñan eta bere debuta Moskuko Bolshoi Antzokian Manon Lescaut rolarekin, baita Sydney Opera House-n ere Tosca-rekin.

Bere hurrengo konpromisoen artean daude Tosca Veronako Arenan, Napoliko San Carlos Antzokian eta Düsseldorfeko Deutsche Oper-en; Manon Lescaut Napoliko San Carlo eta Bolshoi antzokietan; Verdiren Requiem Royal Liverpool Philharmonic-ekin Vasily Petrenkoren zuzendaritzapean; Andrea Chenier Oviedoko Operan; La Bohème (Mimí) ABAOn; Adriana Lecouvreur Sevillan (Maestranza); I Pagliacci (Nedda) Bruselako Monnaie-n; Butterfly Lizeoan; Falstaff eta Don Carlo Teatro Realean, etab.